Two Ethiopian priests sentenced to prison for killing a man who beg for money and then attack them ሁለት ቄሶች ለታክሲ ገንዘብ በመጠየቅ የነዘነዛቸውን ሰው በመግደል ተፈረደባቸው። - Melkam Zena

Two Ethiopian priests sentenced to prison for killing a man who beg for money and then attack them ሁለት ቄሶች ለታክሲ ገንዘብ በመጠየቅ የነዘነዛቸውን ሰው በመግደል ተፈረደባቸው።

Two Ethiopian priests sentenced to prison for killing a man who beg for money and then attack them ሁለት ቄሶች ለታክሲ ገንዘብ በመጠየቅ የነዘነዛቸውን ሰው በመግደል ተፈረደባቸው።

ከሰሞኑ ከኢትዮጵያ የተሰማው ዜና ይገርማልም ያሳዝናልም። መስከረም 19 ቀን ቄስ  ሞገስ ዘለቀና ቄስ ፈቃዱ ገብረ ኢየሱስ የተባሉ ቄሶች ከገብርኤል ማህበር ሲመለሱ ምሽት ላይ ሲ ኤም ሲ አያት አደባባይ አካባቢ ሲደርሱ አንድ ሰው በጨለማ ሲከተላቸው ኮቴውን ይሰማሉ። ከዚያም ያ ሰው ቀረብ አለና ለታክሲ የሚሆን ገንዘብ እንዲረዱት ይጠይቃቸዋል። እነርሱ ግን ገንዘብ እንዳልያዙ ነግረውት ጉዞአቸውን ይቀጥላሉ። ሰውየው ግን አሁንም እየተከተለ እንደገና ይለምናቸውና አልሰጡት ሲሉ በያዘው ዱላ ይመታቸው ይጀምራል። ከዚያም ግብ ግቡ ቀጥሎ በተደረገው ድብድብ የዚህ ሰው ሕይወት ሊያልፍ ችሎአል። እነዚህ ቄሶች ሰው በመግደል ክስ ተመስርቶባቸው አንደኛው የአምስት ሌላኛው የስድስት ዓመት ጽኑ እስራት ተፈርዶባቸዋል። ፍርድ ተዛባ? ወይስ ፍትህ ተሰጠ? ምን ይመስልዎታል?

በአሜሪካን አገር ቢሆን ኑሮ እንኳን ሊፈረድባቸው አንድ ቀንም አይታሰሩም ነበር። እንኳንስ በጨለማ እየተከተለ የደበደበን ሰው ለመከላከል በተደረገ ድብድብ ይቅርና በጠራራ ጸሐይ ጥቁሮችን ከኋላ አነጣጥሮ በመተኮስ የገደለ ሁሉ ራስን በመከላከል ህግ ነጻ ሲወጣ ይታያል። እዚህም በዛ እዛም በዛ። በምእራባውያኑ ሰው ያለ አግባብ ሲገደልና ገዳይም በፍርደ ገምድልነት ነጻ ሲለቀቅ ሲታይ ያሳዝናል። በኢትዮጵያ ደግሞ እንደዚህ ራሱ በጨለማ እየተከተለ የደበደባቸውን ሰው ራሳቸውን ለማዳን የተከላከሉት ላይ እንዲህ ዓይነት ፍርድ ይፈረዳል። እውነት ነው የሰው ሕይወት ክቡር ነውና የሰውየው ሞት ያሳዝናል። ሆኖም ያለ ጥፋቱ ሰውን መቅጣትም ያሳዝናል።

%d bloggers like this: